By 121 News
Chandigarh, Mar.20, 2025:-ਪੇਂਡੂ ਸੰਘਰਸ਼ ਕਮੇਟੀ ਚੰਡੀਗੜ੍ਹ ਦੇ ਇਕ ਵਫਦ ਨੇ ਪ੍ਰਧਾਨ ਦਲਜੀਤ ਸਿੰਘ ਪਲਸੌਰਾ ਦੀ ਅਗਵਾਈ ਹੇਠ ਪ੍ਰਸ਼ਾਸਨ ਵੱਲੋਂ ਜਮੀਨਾਂ ਦੇ ਕੁਲੈਕਟਰ ਰੇਟ ਦੇ ਵਾਧੇ ਦੇ ਸਬੰਧ ਵਿੱਚ ਜੋ ਇਤਰਾਜ਼ ਮੰਗੇ ਸੀ ਉਹ ਕਮੇਟੀ ਵੱਲੋਂ ਅਤੇ ਕਮੇਟੀ ਦੀਆਂ ਪਿੰਡਾਂ ਦੀਆਂ ਇਕਾਈਆਂ ਵੱਲੋਂ ਜਿਹਨਾਂ 16 ਪਿੰਡਾਂ ਦੀ ਜਮੀਨ ਬਚਦੀ ਹੈ ਉਹਨਾਂ ਵੱਲੋਂ ਇਤਰਾਜ ਜਮ੍ਹਾ ਕਰਵਾਏ ਗਏ।
ਜਨਰਲ ਸਕੱਤਰ ਗੁਰਪ੍ਰੀਤ ਸਿੰਘ ਸੋਮਲ ਨੇ ਪ੍ਰੈੱਸ ਦੇ ਨਾਂ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਕਿ ਚੰਡੀਗੜ੍ਹ ਪ੍ਰਸ਼ਾਸਨ ਪਿੰਡਾਂ ਦੀਆਂ ਜਮੀਨਾਂ ਦੇ ਕੁਲੈਕਟਰ ਰੇਟ ਜਾਣਬੁੱਝ ਕੇ ਨਹੀਂ ਵਧਾ ਰਿਹਾ ਤਾਂ ਕਿਉਂਕਿ ਪ੍ਰਸ਼ਾਸਨ ਆਪ ਜਮੀਨਾਂ ਸਸਤੇ ਭਾਅ ਖਰੀਦ ਕੇ ਮਹਿੰਗੇ ਭਾਅ ਤੇ ਵੇਚ ਰਿਹਾ ਹੈ। ਇਵੇਂ ਹੀ ਨਵੀਂ ਬਣੀ ਸੈਕਟਰ 39 ਵਾਲੀ ਮੰਡੀ ਵਿੱਚ 120 ਗਜ ਦੀ ਕੀਮਤ 3 ਕਰੋੜ 70 ਲੱਖ ਬੋਲੀ ਲਈ ਰੱਖੀ ਗਈ ਹੈ, ਪਰ ਖੇਤੀ ਬਾੜੀ ਵਾਲੀ ਜਮੀਨ ਦੇ ਇਕ ਕਿੱਲੇ ਦਾ ਕੁਲੈਕਟਰ ਰੇਟ ਵੀ ਇਸ ਤੋਂ ਘੱਟ ਹੈ। ਕਮੇਟੀ ਨੇ ਇਤਰਾਜ਼ ਜਮ੍ਹਾ ਕਰਵਾ ਕੇ ਮੰਗ ਕੀਤੀ ਕਿ ਜਮੀਨਾਂ ਦੇ ਕੁਲੈਕਟਰ ਰੇਟ ਵਿਚ ਵਾਧਾ ਕੀਤਾ ਜਾਵੇ। ਇਸ ਮੌਕੇ ਜੋਗਿੰਦਰ ਸਿੰਘ ਮੀਤ ਪ੍ਰਧਾਨ , ਬਾਬਾ ਗੁਰਦਿਆਲ ਸਿੰਘ ਸਰਪ੍ਰਸਤ, ਸੁਖਜੀਤ ਸਿੰਘ ਸੁੱਖਾ, ਕੁਲਜੀਤ ਸਿੰਘ ਸੰਧੂ ਕੌਸਲਰ, ਸਤਿੰਦਰਪਾਲ ਸਿੰਘ ਸਿੱਧੂ ਚੇਅਰਮੈਨ ਕੋਆਪ੍ਰੇਟਿਵ ਸੁਸਾਇਟੀ, ਜਗਪਾਲ ਸਿੰਘ ਜੱਗਾ, ਹਰਦੇਵ ਸਿੰਘ ਸਲਾਹਕਾਰ, ਲਾਭ ਸਿੰਘ, ਹਰਭਜਨ ਸਿੰਘ, ਅਮਰੀਕ ਸਿੰਘ, ਅਮਰਜੀਤ ਸਿੰਘ, ਆਦਿ ਹਾਜਰ ਸਨ।
No comments:
Post a Comment