ਮੰਡੀਆਂ ਵਿੱਚ ਫਲਾਂ ਨੂੰ ਮਸਾਲੇ ਨਾਲ ਪਕਾਉਣ ਦੀ ਬਜਾਏ ਵਿਗਿਆਨਕ ਤਰੀਕੇ ਨਾਲ ਪਕਾਉਣ ਲਈ ਮੰਡੀ ਬੋਰਡ ਵੱਲੋਂ ਕੀਤੇ ਵੱਡੀ ਪੱਧਰ ਤੇ ਉਪਰਾਲੇ:ਸਿੱਧੂ

By 121 News

Chandigarh 23^rd July:- ਪੰਜਾਬ ਮੰਡੀ ਬੋਰਡ ਦੇਸ਼ ਦੀ ਪਹਿਲੀ ਅਜਿਹੀ ਸੰਸਥਾਂ ਹੈ ਜਿਸ ਵੱਲੋਂ ਫਲਾਂ ਨੂੰ ਵਿਗਿਆਨਕ ਤਰੀਕੇ ਨਾਲ ਪਕਾਉਣ ਲਈ ਰਾਇਪਨਿੰਗ ਚੈਂਬਰਾਂ ਰਾਹੀਂ ਸਹੂਲਤਾਂ ਉਪਲੱਬਧ ਕਰਵਾਈਆਂ ਗਈਆਂ ਹਨ। ਸਕੱਤਰ ਪੰਜਾਬ ਮੰਡੀ ਬੋਰਡ ਤੇਜਿੰਦਰਪਾਲ ਸਿੰਘ ਸਿੱਧੂ ਵੱਲੋਂ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਗਿਆ ਕਿ ਦੇਸ਼ ਦੀਆਂ ਵੱਖ ਵੱਖ ਮੰਡੀਆਂ ਤੋਂ ਜੋ ਫਲ ਵਿਕਣ ਲਈ ਆੳਂਦੇ ਹਨ ਜਿਵੇਂ ਕਿ ਕੇਲਾ, ਪਪੀਤਾ, ਅੰਬ, ਚੀਕੂ ਆਦਿ, ਨੂੰ ਜਿਆਦਾਤਰ ਕੈਲੀਸੀਅਮ ਕਾਰਬਾਈਡ ਜਿਸ ਨੂੰ ਆਮ ਤੌਰ ਤੇ ਮਸਾਲਾ ਆਖਿਆ ਜਾਂਦਾ ਹੈ, ਨਾਲ ਪਕਾਇਆ ਜਾਂਦਾ ਹੈ, ਜਿਸਨੂੰ ਕਿ U/S 44-AA of Prevention of Food Adulteration (PFA) Act, 1954 with PFA rules, 1955, due to health reasons ਅਧੀਨ ਬੈਨ ਕੀਤਾ ਗਿਆ ਹੈ ਪ੍ਰੰਤੂ ਫਿਰ ਵੀ ਜਿਆਦਾਤਰ ਫਲ ਪਹਿਲਾਂ ਇਸ ਖਤਰਨਾਕ ਕੈਮੀਕਲ ਨਾਲ ਹੀ ਪਕਾਏ ਜਾਂਦੇ ਸਨ।  

ਤੇਜਿੰਦਰਪਾਲ ਸਿੰਘ ਸਿੱਧੂ ਨੇ ਦੱਸਿਆ ਕਿ ਕੈਮੀਕਲ ਨਾਲ ਕਈ ਭਿਆਨਕ ਬਿਮਾਰੀਆਂ ਸਮੇਤ ਕੈਂਸਰ ਆਦਿ ਹੋਣ ਦਾ ਖਤਰਾ ਰਹਿੰਦਾ ਹੈ।  ਕੈਮੀਕਲ ਨਾਲ ਪਕਾਏ ਫਲਾਂ ਦੀ ਸੈਲਫ ਲਾਈਫ ਵੀ ਜ਼ਿਆਦਾ ਨਹੀਂ ਹੁੰਦੀ, ਜਲਦੀ ਖਰਾਬ ਹੋ ਜਾਂਦੇ ਹਨ ਅਤੇ ਇਹਨਾਂ ਦੀ ਪਕਾਈ ਵੀ ਬਰਾਬਰ ਨਹੀਂ ਹੁੰਦੀ ਭਾਵ ਬਾਹਰੋਂ ਇਹ ਫਲ ਪੱਕੇ ਵਿਖਾਈ ਦਿੰਦੇ ਹਨ ਪਰ ਅੰਦਰੋਂ ਕੱਚੇ ਹੁੰਦੇ ਹਨ। ਉਨਾ੍ਹਂ ਦੱਸਿਆ ਕਿ ਪੰਜਾਬ ਮੰਡੀ ਬੋਰਡ ਵੱਲੋਂ ਰਾਜ ਦੀਆਂ 12 ਮੰਡੀਆਂ ਵਿਖੇ ਸਹੀ (ਕੁਦਰਤੀ) ਅਤੇ ਵਿਗਿਆਨਕ ਤਰੀਕੇ ਨਾਲ ਫਲਾਂ ਨੂੰ ਪਕਾਉਣ ਲਈ 12 ਆਧੁਨਿਕ ਪੈਕ ਹਾਊਸ ਲੁਧਿਆਣਾ, ਫਗਵਾੜਾ, ਹੁਸ਼ਿਆਰਪੁਰ, ਜਲੰਧਰ, ਕਪੂਰਥਲਾ, ਬਟਾਲਾ, ਮੋਗਾ, ਫਿਰੋਜਪੁਰ, ਅਬੋਹਰ, ਬਠਿੰਡਾ, ਸੰਗਰੂਰ, ਪਟਿਆਲਾ ਵਿਖੇ ਬਣਾਏ ਗਏ ਹਨ ਜਿੱਥੇ ਫਲਾਂ ਨੂੰ 15 ਡਿਗਰੀ ਤੇ ਕੋਲਡ ਸਟੋਰ ਵਿੱਚ ਐਥਲੀਨ ਗੈਸ ਰਾਹੀਂ ਪਕਾਇਆ ਜਾਂਦਾ ਹੈ।  ਕੁਦਰਤੀ ਤੌਰ ਤੇ ਵੀ ਫਲ ਇਸੇ ਗੈਸ ਨਾਲ ਪਕਦੇ ਹਨ ਜੋ ਇਨ੍ਹਾਂ ਵਿੱਚੋਂ ਆਪਣੇ ਆਪ ਪੈਦਾ ਹੁੰਦੀ ਹੈ ਜਿਵੇਂ ਕਿ ਆਮ ਤੌਰ ਤੇ ਇਹ ਅਖਬਾਰਾਂ ਵਿੱਚ ਲਪੇਟ ਕੇ ਜਾਂ ਪੈਲ ਆਦਿ ਪਾ ਕੇ ਪੁਰਾਣੇ ਸਮਿਆਂ ਵਿੱਚ ਪਕਾਏ ਜਾਂਦੇ ਸਨ। ਇਸ ਤਰੀਕੇ ਨਾਲ ਇਹ ਫਲ 3-4 ਦਿਨਾਂ ਵਿੱਚ ਪੱਕ ਕੇ ਤਿਆਰ ਹੋ ਜਾਂਦੇ ਹਨ। 

ਸਕੱਤਰ ਪੰਜਾਬ ਮੰਡੀ ਬੋਰਡ ਨੇ ਦੱਸਿਆ ਕਿ ਪੰਜਾਬ ਮੰਡੀ ਬੋਰਡ ਵੱਲੋਂ ਬਣਾਏ ਗਏ 12 ਪੈਕ ਹਾਊਸ 1300 ਮੀਟਰਕ ਟਨ ਕਪੈਸਟੀ ਅਤੇ ਨੈਸਨਲ ਬਾਗਵਾਨੀ ਮਿਸਨ ਤਹਿਤ 3000 ਮੀਟਰਕ ਟਨ ਕਪੈਸਟੀ ਦੇ ਨਿੱਜੀ ਖੇਤਰ ਵਿੱਚ ਬਣਕੇ ਤਿਆਰ ਹੋ ਚੁੱਕੇ ਹਨ ਅਤੇ ਹੋਰ ਬਹੁਤ ਸਾਰੇ ਉਸਾਰੀ ਅਧੀਨ ਹਨ। ਪੰਜਾਬ ਰਾਜ ਵਿੱਚ ਹਰ ਸਾਲ ਵਿੱਚ 2,02,870 ਟਨ ਕੇਲਾ ਮੰਡੀਆਂ ਵਿੱਚ ਆਉਂਦਾ ਹੈ ਅਤੇ ਇਸ ਵਿਚੋਂ ਕੁੱਝ ਕੇਲਾ ਜੰਮੂ ਕਸ਼ਮੀਰ ਅਤੇ ਹਿਮਾਚਲ ਪ੍ਰਦੇਸ਼ ਨੂੰ ਚਲਾ ਜਾਂਦਾ ਹੈ।  ਪੰਜਾਬ ਰਾਜ ਦੀ ਕੁੱਲ ਰਾਇਪਨਿੰਗ ਕਪੈਸਟੀ 4300 ਮੀਟਰਕ ਟਨ ਹੈ ਜੇਕਰ 4 ਦਿਨਾਂ ਦੇ ਸਾਈਕਲ ਨਾਲ ਕੁੱਲ ਕੱਢੀਏ ਤਾਂ ਇਹ ਲਗਭਗ 3,92,375 ਮੀਟਰਕ ਟਨ ਬਣ ਜਾਂਦੀ ਹੈ ਅਤੇ ਜੇਕਰ ਇਹੋ ਪੈਕ ਹਾਊਸ 60ં ਕਪੈਸਟੀ ਤੇ ਵੀ ਚੱਲਣ ਤਾਂ 2,35,425 ਟਨ ਕੇਲਾ ਪਕਾਉਣ ਦੇ ਸਮਰੱਥ ਹਨ । ਇਸ ਤਰਾਂ ਪੰਜਾਬ ਰਾਜ ਵਿੱਚ ਜੋ ਕੁੱਲ ਕੇਲੇ ਦੀ ਆਮਦ ਹੈ ਉਹ ਸਾਰੀ ਦੀ ਸਾਰੀ ਐਥਲੀਨ ਗੈਸ ਨਾਲ ਪਕਾਈ ਜਾ ਸਕਦੀ ਹੈ ਜੋ ਆਪਣੇ ਆਪ ਚ ਇੱਕ ਬਹੁਤ ਵੱਡੀ ਉਪਲੱਬਧੀ ਹੈ।